له ایرانه راستنېدونکو زرګونو کډوالو ته د افغاني سرې میاشتې دوامداره بشري مرستې او روغتیايي خدمتونه
دوشنبه، ۲۵ محرم الحرام ۱۴۴۷
د افغاني سرې میاشتې د کارکوونکو او رضاکارانو له لوري، د هرات ولایت په اسلامقلعه بندر او نیمروز ولایت په میلک بندر کې له ایران څخه راستنو شوو کډوالو ته د پخو خوړو او څښاک اوبو ترڅنګ روغتیايي خدمتونه دوام لري.
نن ورځ، په سيمه کې د ګرځنده روغتیايي ټیمونو له لوري سلګونو کډوالو ته د روغتیايي خدمتونه وړاندې کولو ترڅنګ هرات کې پر ۳ زرو او نيمروز کې پر ۴۰۰ تنو تازه راستنو شوو کډوالو پاخه خواړه او د څښاک پاکې اوبه ووېشل شوې.
