د افغاني سرې میاشتې ټولنې مرستیال ملانورالدین ترابي د کندهار زون او نماینده ګۍ له مسوولینو سره وکتل!
دوشنبه د روان ۱۴۰۱ لمریزکال د وري پر۱۵ مه نېټه د افغاني سره میاشتې مرستیال ملانورالدین ترابي کندهار ته د خپل سفر په ترڅ کې د کندهار زون او نماینده ګۍ له رییسانو او کارکوونکو سره ناسته ترسره کړه.
یاده ناسته، چې په ټولیزه او جلا جلا توګه له یادو مسوولینو سره ترسره شوه، په کې د شته ستونزو د هواري په موخه تفصیلي خبرې وشوې او د حل په موخه یې د افغاني سرې میاشتې مرستیال له لوري د بشپړې همکارۍ ډاډ ورکړ شو.
همدارنګه نوموړي ټولو کارکوونکو ته د افغاني سرې میاشتې ټولنې د اووه ګونو اصولو په پام کې نیولو سره سم د کړنو د ترسره کولو سپارښتنه وکړه او ټول کارکوونکې یې د خپلو دندو د غوره ترسره کولو په موخه وهڅول او زیاته یې کړه، د افغاني سرې میاشتې ټولنې د هر کارکوونکي نظر د قدر وړ دی. ناسته د دعایې په ویلو پای ته ورسېده.
