د افغاني سرې میاشتې ټولنې له لوري د پکتیکا ولایت په برمل ولسوالۍ کې د ۵۳۰ زلزله ځپلو کورونو د تثبیت او بیارغونې په موخه سروې پیل شوه
د روان ۱۴۴۴ سپوږمیز د صفر المظفر پر ۲۶مه د پکتیکا ولایت د برمل ولسوالۍ په بېلابېلو کلیو کې د زلزله ځپلو کورونو د تثبیت او بیارغونې په موخه د افغاني سرې میاشتې د سیمه ییز ګډ ټیم له لوري د نړیوال فدراسیون په مالي ملاتړ سروې پیل شوه.
د سروې تر بشپړېدو وروسته به ۵۳۰ تثبیت شویو کورنیو ته د ترمیم بودیجه د افغاني سرې میاشتې ټولنې له لوري په درېوو پړاوونو کې ووېشل شي.
