تېرو ۲۴ ساعتونو کې د سرې میاشتې د فعالیتونو خبرونه:
تېرو ۲۴ ساعتونو کې د سرې میاشتې د فعالیتونو خبرونه:
کابل:
د ډنمارک د سره صلیب د آسیایي او اروپایي چارو مسئولې آغلې کِرن، د افغاني سرې میاشتې د مرکزي مرستون له بېلابېلو څانګو او فعالیتونو څخه لیدنه وکړه.
لغمان/ پروان:
د لغمان ولایت مرکز مهترلام اړوند د بدیع الآباد سيمې او علینګار په ولسوالۍ کې له ٢٧ او د پروان ولایت په کوه صافي ولسوالۍ کې له ٢ سېلاب ځپلو کورنیو سره د ۵ قلمه غیر خوراکي توکو مرسته ترسره شوه.
هرات:
د پشت کوه ولسوالۍ په آب کل کلي کې ۱۲۰ تنو مسلکي او غیر مسلکي کارګرو ته د کار په بدل کې د پیسو په لومړي پړاو کې په ټولیز ډول یو میلیون او څلور سوه پنځه دېرش زره (۱،۴۳۵،۰۰۰) افغانۍ مزد ورکړل شو.
هلمند:
د سویل لویدیځ زون په کچه د کنټرول مدیرانو ته د اسنادو د کنټرول، طریقې او طرز العمل په اړه د ظرفیت لوړونې څلور ورځنی روزنیز ورکشاپ د ستاینلیکونو په ورکړې سره پای ته ورسېد.
پکتیا:
د سویل ختیځ زون د ریاست او د یاد زون اړوند د پکتیا ولایت د ولایتي څانګې ریاست کارکوونکو او د ولایتي مجامع غړو ته د ځانګړې اونۍ د هدف او د دې اونۍ د ارزښت په مناسبت غونډې ترسره شوې.
پنجشېر:
۸۱۷۱ تنو ناروغانو ته د تېرو ۳۰ ورځو په لړ کې په بېلابېلو سیمو کې روغتیایي خدمات ترسره شوي.
بلخ:
۱۰ تنو رضاکارانو ته د اقلیمي بدلون تر عنوان لاندې یو ورځنی روزنیز ورکشاپ ورکړل شو.
