بغلان کې پر اړمنو بزګرانو څه کم ۱۶ میلیونه افغانۍ ووېشل شوې

چهارشنبه، ۱۵ ربیع الآخر ۱۴۴۷
د افعاني سرې میاشتې له لوري د بغلان ولایت په نهرین ولسوالۍ کې د وچکالۍ له امله له ۶۲۵ اغېزمنو شوو بزګرانو سره په ټوله کې پنځلس میلیونه او شپږ سوه پنځه ویشت زره (۱۵،۶۲۵،۰۰۰) افغانۍ نغدي مرسته وشوه، چې هر بزګر ته ۲۵ زره افغانۍ ورکړل شوې.
د دې مرستې په ترلاسه کولو سره به بزګران وکولی شي، چې کرنیزو وسایلو، اصلاح شوو تخمونو او د اوبو مدیریت ته لاسرسی پیدا کړي او د زراعت په برخه کې تر یوې اندازې پر ځان بسیا شي.
د یادونې وړ ده، چې څه موده وړاندې هم په یاده ولسوالۍ کې پر ۶۰۰ اړمنو بزګرانو ۱۵ میلیونه افغانۍ نغدي مرسته وېشل شوې وه.