بامیان!
د بامیانو ولايت د افغاني سرې میاشتې ګرځنده روغتيايي ټيم د یاد ولایت یکاولنګ نمبر دو ولسوالۍ په لرو پرتو سيمو کې، په وړیا ډول د هغو بیوزله وګړو روغتیا پالنه کوي، چې روغتیایي مرکزونو ته لاسرسی نلري. یاد ګرځند روغتيايي ټيم د تېرې يوې اونۍ په ترڅ کې ۳۰۰ تنه ناروغان معاينه او په وړيا توګه يې دوا ورکړې، چې په دې ډله کې يې ۳۰ ماشومانو او ۴۰ تنه زنانه وو ته واکسين تطبيق کړي، ۱۰ تنه زخميان يې پانسمان او تداوي کړي او ۳۵۰ تنو ناروغانو ته يې روغتيايي معلومات وړاندې کړي.
