المان هېواد ته د افغاني سرې میاشتې له لوري د ناروغو ماشومانو د لېږد او تشخیص په موخه د آلمان د سولې کلي د موسسې ډاکټرانو په کار پیل وکړ!
د پنجشنبه د روان ۱۴۰۰ هجری لمریز کال د سلواغې د میاشتې پر ۲۱مه نېټه د آلمان د سولې کلي د موسسې ډاکټران د ماتو هډوکو او سخت سوځېدلو ماشومانو د معاینې او آلمان هېواد ته د استولو لپاره کابل کې د افغاني سرې میاشتې مرکزي دفتر ته راورسیدل او د یاد ناروغو ماشومانو المان هېواد ته د درملنې په موخه یې د معاینې کار پیل کړ، چې دا پروسه به د روانې میاشتې تر ۳۰مې نېټې پورې دوام ولري.
د یادونې وړ ده، چې په لاندې شرایطو ناروغ ماشومان منل کېږي:
۱_ ماشوم باید د ماتو هډوکو او یا سختې سوځېدنې ناروغي ولري.
۲ ـ د ناروغ ماشوم عمر باید له ۱ کال څخه تر ۱۱ کلونو ډېر نه وي.
۳ ـ ناروغ باید له ځان سره خپله تذکره ولري.
۴ - د پلار یا خپلوان تذکره هم باید له ځان سره راوړي.
۵ - د پاسپورت په اندازه۱۰ قطعې رنګه عکسونه هم ورسره وي.
