افغاني سرې میاشې بدخشان کې له اړمنو کورنیو سره څه د پاسه ۱۶ میلیونه افغانۍ نغدي مرسته وکړه
دوشنبه، ۳ صفر المظفر ۱۴۴۷
د افغاني سرې میاشتې له لوري د بدخشان ولایت د مرکز فیض آباد اړوند د بېلابېلو ناحیو ۶۵۰ اړمنو، بېوزله او بېځایه شوو کورنیو ته شپاړس میلیونه او دوه سوه پنځوس زره (۱۶،۲۵۰،۰۰۰) افغانۍ نغدي مرسته ورکړل شوه، چې په کې هرې کورنۍ ۲۵ زره افغانۍ ترلاسه کړې.
یاده نغدي مرسته د دې لپاره ترسره شوه، څو اړمنې کورنۍ وکولای شي خپلې بېړنۍ اړتیاوې پوره کړي، د ورځني ژوند لګښتونه تمویل کړي او تر يو اندازې يې اقتصادي ستونزې حل شي.
