افغاني سرې میاشتې په تېرو ۹ میاشتو کې د هېواد ۲۳ ولایتونو کې اړمنو کورنیو ته (۴۳۴۶۹۰۳۰۰) افغانۍ نغدي مرسته ویشلې!

افغاني سرې میاشتې تېرو ۹ میاشتو کې د هېواد ۲۳ ولایتونو کې پر زلزله ځپلو، وچکالۍ ځپلو، سیلاب ځپلو، بېوزلو او اړمنو کورنیو څلور سوه څلور دېرش میلیونه شپږ سوه نوي زره او درې سوه (۴۳۴۶۹۰۳۰۰) افغانۍ نغدي مرسته ویشلې. یاده مرسته کې هرې کورنۍ ته کم تر کمه ۹ زره افغانۍ ورکول شوي. په یادو ولایتونو کې بادغیس، کابل، پنجشیر، پکتیکا، سمنګان، خوست، ارزګان، پروان، زابل، کندهار، لغمان، لوګر، میدان وردګ، ننګرهار، بغلان، تخار، پکتیا، جوزجان، دایکندي، غزني، فاریاب، کونړ او کندوز ولایتونه شامل دي.