افغاني سره میاشت؛ راستنېدونکو کډوالو ته خواړه، د څښاک پاکې اوبه او دوامداره روغتیايي خدمتونه وړاندې کېږي
یکشنبه، ۲۴ محرم الحرام ۱۴۴۷
د افغاني سرې میاشتې د کارکوونکو او رضاکارانو په مټ له ایرانه راستنېدونکو کډوالو ته د لومړنيو اړتیاوو برابرولو په موخه د مرستو وېش دوام لري. دا مرستې د هرات ولایت په اسلامقلعه بندر او د نیمروز ولایت په میلک بندر کې وړاندې کېږي.
نن یو ځل بیا په سيمه کې د ګرځنده روغتیايي ټیمونو له لوري سلګونه کډوالو ته د روغتیايي خدمتونو وړاندې کولو ترڅنګ هرات کې پر ۴ زرو او نيمروز کې پر ۴۰۰ تنو تازه راستنو شوو کډوالو پاخه خواړه او د څښاک پاکې اوبه ووېشل شوې.
