ميدان وردګ؛ د ورښتونو له امله زيانمنو کورنيو سره نغدي مرسته وشوه
دوشنبه، ۱۷ ذو القعده ۱۴۴۷
افغاني سرې مياشتې د ميدان وردګ ولايت د جغتو ولسوالۍ له هغو دوو کورنيو سره نغدي مرسته وکړه، چې د وروستيو سختو ورښتونو له امله يې د کورنۍ غړو خپل ژوند له لاسه ورکړى و.
ياده مرسته چې د چين سره صليب له لوري برابره شوې وه، د تلفاتو له مخې يوې کورنۍ ته ۳۰۰۰۰ افغانۍ او بلې ته ۶۰۰۰۰ افغانۍ ورکړل شوې.
ياده مرسته د لومړنيو اړتياوو د پوره کولو او بېړني لاسنيوي په موخه ترسره شوه.
افغاني سره مياشت، د يوې بې طرفې او بشرپالې ټولنې په توګه، د طبيعي پېښو پر مهال زيانمنو کورنيو ته د بېړني ملاتړ د رسولو هڅې روانې ساتي.
