د ختيځ سیمه يیز زون او ننګرهار نمایندګۍ د مسؤلینو په ملتیا په افغانستان کې د نړیوال فدراسیون مسئول د تورخم عمري کمپ څخه لیدنه وکړه!
د ختيځ سیمه يیز زون او ننګرهار نمایندګۍ د مسؤلینو په ملتیا په افغانستان کې د نړیوال فدراسیون مسئول د تورخم عمري کمپ څخه لیدنه وکړه!
نن سه شنبه د شوال میاشتې پر ۱۷مه، په افغانستان کې د نړیوال فدراسیون مسئول ښاغلي احمد سلیمان او مل پلاوي تورخم ته د خپل سفر په ترڅ کې د راستنو شویو کډوالو د وضعيت ارزونې او هغوی ته د نړیوال فدراسیون له لوري د افغاني سرې میاشتې په همغږۍ د ترسره کېدونکو بشرپالو خدمتونو څخه لیدنه وکړه.
لیدنه کې، د نړیوال فدراسیون مسٸول د افغاني سرې میاشتې د ګرځنده روغتیایي ټيم د خدماتو، رضاکارانو او کارکوونکو له هڅو او فعالیتونو ستاینه وکړه او هم یې له افغاني سرې میاشتې سره د کډوالو د ښه ملاتړ، د خدمتونو د پراختیا، او د همغږۍ د پیاوړتیا په برخه کې د مرستو پر دوام او زیاتوالی ژمنه وکړه.
یاده د وي چې د نړیوال فدراسیون مسٸول له سفر وړاندې وړمه ورځ د افغاني سرې میاشتې له سرپرست عمومي رئیس ښاغلي شيخ الحديث شهاب الدین دلاور سره د راستنوشویو کډوالو د ستونزو او وضعیت په تړاو ناسته کړې وه او هم یې هغوى ته د کډوالو لومړیتوبونو او اړتیاوو ته په کتو ددې خیریه ملي ټولنې له لارې د هر اړخيزو همکاریو په هکله ډاډ څرګند کړى وه.
