کابل؛ د سختو ورښتونو له امله ۳۴ زيانمنې کورنۍ له بېړنیو مرستو برخمنې شوې
سې شنبه، ۱۹ شوال ۱۴۴۷
د افغاني سرې میاشتې له لوري د کابل ولایت په پنځو ولسوالیو (کلکان، فرزه، میر بچه کوټ، شکر دره، بګرامي) کې هغه ۳۴ کورنۍ، چې د سختو ورښتونو له امله زیانمنې شوې وې، له بېړنۍ بشري مرستې برخمنې شوې.
په مرسته کې هرې کورنۍ ته ۱ خېمه، ۶ کمپلې، ۲ ترپالونه، د پخلنځي د توکو ۱ سیټ او ۲ د اوبو بوشکې ورکړل شوې.
دا مرسته د زیانمنو هېوادوالو د لنډمهالې سرپناه د برابرولو او د لومړنیو اړتیاوو د پوره کولو په موخه تر سره شوه.
د طبیعي پېښو له امله زیانمنو هېوادوالو ته پر وخت رسېدګي او د هغوی لومړنۍ اړتیاوې پوره کول، د افغاني سرې میاشتې کاري وجیبه ده.
