اشتراک رضاکاران جمعیت هلال احمر افغانی در تنظیف شهر کابل!
برنامه حَشر به منظور پاکسازی شهر کابل از طرف اداره امور ریاست جمهوری اسلامی افغانستان با اشتراک رضاکاران جمعیت هلال احمر افغانی، معینیت محترم امور جوانان وزارت اطلاعات و فرهنگ و شاروالی کابل به تاریخ 27 میزان 1399 برای یک روز راه اندازی گردید!
در برنامه متذکره محترم: میاگل وثیق رئیس امور فرهنگی اداره امور ریاست جمهوری اسلامی افغانستان، محترم لایق شاه ځدراڼ سرپرست معینیت امور جوانان وزارت اطلاعات و فرهنگ، شفیع الله جمال رئیس اداره جوانان و رضاکاران سره میاشت، وحیده صمدی معاون ریاست ناحیه اول شهر کابل، جهت ذهنیت سازی برای مردم تحت شعار « شهر ما خانه ما » اشتراک ورزید.
