کندهار؛ د روژې د رارسېدو په مناسبت پر ۷۵۰ اړمنو کورنیو ۸۷ ټنه خوراکي مرسته ووېشل شوه
شنبه، ۱۹ شعبان ۱۴۴۷
د افغاني سرې میاشتې له لوري، کندهار کې پر ۷۵۰ اړمنو او بېوزله کورنیو د روژې د را رسېدو په مناسبت ۸۷.۳۷۵ ټنه خوراکي مرسته ووېشل شوه.
یاده مرسته چې په آلمان هېواد کې د یوه مېشت افغان تاجر له لوري چمتو شوې وه، هرې کورنۍ ته ۱۱۶.۵ کیلو خوراکي توکي ورکړل شول، چې په کې اوړه، غوړي، وریژې، بوره، لوبیا، شین چای او نخود شامل وو.
تمه ده، یاده مرسته به د روژې په میاشت کې د یادو کورنیو د خوراکي توکو د لنډمهاله اړتیاوو په پوره کولو سره د هغوی ستونزې راکمې کړي.
افغاني سره میاشت د خپلو بنسټیزو اصولو په رڼا کې تل هڅه کوي؛ څو د پېښو له امله د زیانمنو شوو کورنیو لاسنیوي او ستونزو ته پر وخت رسېدنه وکړي.
