لغمان؛ د پېښو مدیریت په اړه د ظرفیت لوړونې شپږ ورځنی روزنیز ورکشاپ پای ته ورسېد
یکشنبه، ۶ شعبان ۱۴۴۷
د افغاني سرې میاشتې له لوري د لغمان ولایت په نمایندهګۍ کې د پېښو مدیریت او د نغدو پیسو لېږد په موخه شپږ ورځنی روزنیز ورکشاپ، چې ۲۵ تنو کارکوونکو او رضاکارانو پکې ګډون درلود؛ د تصدیق پاڼو په وېشلو پای ته ورسېد.
ورکشاپ کې ګډونوالو ته د طبیعي او غیر طبیعي پیښو پر مهال د اغېزمن غبرګون، زیانمنو شوو وګړو سره د مرستو د څرنګوالي او د نغدي مرستو د شفاف وېش او خوندي انتقال په برخه کې په عملي او نظري بڼه مفصل معلومات ورکړل شول.
