پکتیکا کې ۵۰۰ بېوزله کورنۍ د خوراکي توکو له مرستې برخمنې شوې
سې شنبه، ۹ رجب ۱۴۴۷
د افغاني سرې میاشتې د عمومي رئیس، ښاغلي شیخ الحدیث شهاب الدین دلاور په لارښوونه د پکتیکا ولایت د نعمت آباد ولسوالۍ د بېلابېلو کلیو له ۵۰۰ اړمنو او داخلي بېځایه شوو کورنیو سره ۴۲.۵ ټنه د خوراکي توکو مرسته وشوه.
په مرسته کې هرې کورنۍ ته ۸۵ کیلو خوراکي توکي ورکړل شول، چې اوړه، غوړي، وریژې، بوره او خُرما په کې شامله وه.
دغه مرسته به د یادو کورنیو لپاره د لنډمهاله خوراکي اړتیاوو په پوره کولو کې مهم نقش اداء کړي.
افغاني سره میاشت له هر ډول توپیر پرته اړمنو او پېښځپلو هېوادوالو ته بشري خدمتونه وړاندې کوي.
