کونړ؛ د افغاني سرې میاشتې عمومي رئیس د زلزله ځپلو له مؤقتي پنډغالي لیدنه وکړه
پنجشنبه، ۹ ربیع الآخر ۱۴۴۷
د افغاني سرې میاشتې عمومي رئیس ښاغلي شیخ الحدیث شهابالدین دلاور د کونړ ولایت په نورګل ولسوالۍ کې د زلزله ځپلو له مؤقتي پنډغالي څخه لیدنه وکړه.
لیدنه کې ښاغلي دلاور د زیانمنو شوو کورنیو لپاره د افغاني سرې میاشتې له لوري د نصب شوو خېمو، د پخو خوړو د وېش، د څښاک اوبو، روغتیایي خدمتونو او د بېړنیو مرستو د وېش څخه له نږدې ارزونه وکړه.
نوموړي وویل: افغاني سره میاشت په ټول توان سره هڅه کوي، څو زلزله ځپلو ته بشري خدمتونه په وخت ترسره کړي، ستونزو ته يې زر تر زره رسېدنه وکړي او د اړتیا پر مهال ورته بېړنۍ بشري مرستې ورسوي.
ښاغلي دلاور ټینګار وکړ، چې د افغاني سرې میاشتې هڅه دا ده، چې د طبیعي پېښو پر مهال خلک یوازې پرېنږدي او د دوامدار ملاتړ له لارې د هغوی عادي ژوند ته د ستنېدو زمینه برابره کړي.
