د افغاني سرې مياشتې اداري جلسه ترسره شوه
کابل، پنجشنبه، ۲۲ ذوالحجه ۱۴۴۶ هـ.ق
د افغاني سرې میاشتې د مرستیال ښاغلي حافظ عزیز الرحمن تر مشرۍ لاندې د سرپرست سکرتر جنرال ښاغلي مولوي روح الله عبدالسلام، د پلان او پالیسي مرستیال او د مرکزي دفتر د يو شمېر رٸيسانو او مسؤلینو په شتون کې د ستونزو د حل په موخه اداري جلسه ترسره شوه.
په غونډه کې د افغاني سرې مياشتې د ښارګوټي اړوند ستونزو، د تېرې ناستې د پرېکړو د تعقیب، او یو شمېر نورو اداري مسایلو په تړاو هر اړخيز بحث ترسره او ګډونوالو ته د ستونزو د هوارۍ اړوند لازمې سپارښتنې وشوې.
ښاغلي حافظ عزیز الرحمن د اداري چارو د لا ښه والي، خپلمنځۍ همغږۍ او د مسٸولیتونو پر وخت ترسره کولو ټینګار وکړ او له ټولو یې وغوښتل څو د غفلت څخه ځان وساتي او خپلې دندې په کامل اخلاص او بشپړه ژمنتيا ترسره کړي.
