د مرکزي ریاست او سیمه ییزو زونونو مدیرانو ته د ظرفیت لوړونې ورکشاپ دایر شو
د مرکزي ریاست او سیمه ییزو زونونو مدیرانو ته د ظرفیت لوړونې ورکشاپ دایر شو
نن یکشنبه د ربیع الآخر د میاشتې پر ۲۴ مه، د افغاني سرې میاشتې په مرکزي ریاست کې ددې خيريه ملي ټولنې په تخنیکي او د آی سي آر سي نړیوالې کمېټې په مالي ملاتړ د افغاني سرې میاشتې اړوند د مرکز او زونونو یو شمېر مدیرانو ته د نړیوال سره صلیب او سرې میاشتې د پېژندنې او د دوى د کاري وړتياوو د لوړونې په موخه ۳ ورځنی ورکشاپ پيل شو.
د یاد ورکشاپ په پرانيسته کې د افغاني سرې میاشتې سرپرست عمومي رئیس ښاغلي شيخ الحديث شهاب الدين دلاور په خپلو څرګندونو کې ګډونوالو ته ددې ورکشاپ پر ارزښت، اداري جوړښت او کار اهل کسانو ته سپارلو په تړاو د وینا ترڅنګ په اداره کې له خیانت او فساد څخه د مخنیوي په هکله تفصیلي وینا وکړه.
دا راز ښاغلي دلاور مدیرانو ته سپارښتنه وکړه، څو له دې فرصت څخه په سمه توګه استفاده وکړي او له ترلاسه شویو زده کړو څخه په ورځنیو چارو کې ګټه واخلي.
https://www.threads.net/@arcsafghanistan
