پکتیا کې د ورښتونو له امله ۳ زیانمنو شوو کورنیو سره د لنډمهالې سرپناه بېړنۍ مرسته وشوه
دوشنبه، ۷ شعبان ۱۴۴۷
د پکتیا ولایت د ډنډِ پټان ولسوالۍ اړوند په کوټ سیمه کې افغاني سرې میاشتې د وروستیو سختو ورښتونو له امله ۳ زیانمنو شوو کورنیو سره د لنډمهالې سرپناه د برابرولو په موخه ۵ قلمه د غیر خوراکي توکو مرسته وکړه.
په مرسته کې هرې کورنۍ ته ۱ خېمه، ۵ کمپلې، ۱ ترپال، ۱ د پخلنځي د توکو سیټ او ۲ د اوبو بوشکې ورکړل شوې.
افغاني سره میاشت د اړمنو، پېښځپلو او بېځایه شوو هېوادوالو د باور او ملاتړ سرچینه ده، چې د بشري مرستو له لارې هڅه کوي، څو د بېوزله کورنیو د ژوند اساسي اړتیاوې پوره کړي.
