بغلان؛ د پېښو مديريت د ظرفيت لوړونې روزنيز ورکشاپ پای ته ورسېد
پنجشنبه، ۱۸ رجب ۱۴۴۷ د افغاني سرې میاشتې له لوري د بغلان ولایت په نمایندهګۍ کې ۲۰ تنو کارکوونکو او رضاکارانو ته د پېښو مدیریت او د نغدو پیسو لېږد په موخه د ظرفیت لوړونې شپږ ورځنی روزنیز ورکشاپ د تصدیق پاڼو په وېشلو پای ته ورسېد. په ورکشاپ کې ګډونوالو ته د بېړنیو پېښو پر مهال د اغېزمنو او چټکو اقداماتو، زیانمنو شوو وګړو سره د مرستو د څرنګوالي او د نغدو پیسو لېږد د معیاري اصولو په اړه په نظري او عملي ډول هر اړخیز معلومات ورکړل شول. د دې روزنیز ورکشاپ موخه د ناورینونو او بېړنیو حالاتو پر مهال، زیانمنو شوو وګړو ته پر وخت، اغېزمن او مسلکي توګه د خدمتونو وړاندې کول وو.
