د افغاني سرې میاشتې د والیبال لوبډله وستایل شوه
سېشنبه، ۴ صَفَر ۱۴۴۷
د افغاني سرې میاشتې سرپرست عمومي رئیس ښاغلي شیخ الحدیث شهابالدین دلاور او د نوموړي مرستیال ښاغلي حافظ عزیزالرحمن د سرې میاشتې د والیبال لوبډلې هغه لوبغاړي وستایل، چې سږ کال د افغانستان د اولمپيک ملي ادارې لهخوا د هېواد په کچه د والیبال په څلورم پړاو سیالیو کې یې د لومړي مقام ویاړ تر لاسه کړی و.
ښاغلي دلاور د لوبغاړو د ستاینې پر مهال وویل: " موږ پر خپلو ځوانو او با استعداده لوبغاړو ویاړو، چې د افغاني سرې مياشتې نوم یې وځلاوه. نوموړي ډاډ وړاندې کړ، چې افغاني سره میاشت به تل د ځوانانو د استعدادونو د پیاوړتیا لپاره خپلې هڅې جاري ساتي."
د لیدنې په پای کې لوبغاړو ته د ډالیو ترڅنګ د لا زیاتو اسانتیاوو برابرولو ډاډ هم ورکړل شو.
