په کابل کې ۴۷۰ اړمنو او راستنو شوو کورنیو ته غیر خوراکي توکي ووېشل شول
سې شنبه، ۲۱ رمضان ۱۴۴۷
افغاني سرې میاشتې په کابل کې د مرکز اړوند بېلابېلو ناحیو او د پغمان ولسوالۍ له ۴۷۰ اړمنو، بې وزلو او راستنو شوو کډوالو کورنیو سره د غیر خوراکي توکو مرسته وکړه.
په مرسته کې هرې کورنۍ ته درې بستې ورکړل شوې، چې پکې د ماشومانو، نارینه وو او ښځو جامې، بنیانونه، دستکشې، جرابې، څادرونه، بوټان او یو شمېر نور د اړتیا وړ توکي شامل وو.
افغاني سره میاشت د خپلو بنسټیزو اصولو په رڼا کې د اړمنو او راستنو شوو هېوادوالو لاسنیوی خپل اساسي او کاري لومړیتوب ګڼي.
