پنجشېر؛ د پېښو مديريت برخه کې ۲۵ تنه وروزل شول
پنجشنبه، ۲ رمضان ۱۴۴۷
د افغاني سرې میاشتې له لوري د پنجشېر ولایت د نماینده ګۍ په ریاست کې د پېښو مدیریت او د نغدو پیسو لېږد شپږ ورځنی روزنیز ورکشاپ، چې ۲۵ تنو کارکوونکو او رضاکارانو پکې ګډون درلود؛ د تصدیق پاڼو په وېشلو پای ته ورسېد.
د دې ورکشاپ موخه دا وه چې په ناورینونو او بېړنیو حالاتو کې زیانمنو وګړو ته پر وخت، اغېزمن او په مسلکي توګه خدمات وړاندې شي.
ورکشاپ کې ګډونوالو ته د بېړنیو پېښو پر مهال د غوره او چټکو اقداماتو، زیانمنو وګړو سره د مرستې او د نغدو پیسو لېږد د معیاري تګلارو په اړه په نظري او عملي بڼه مفصل معلومات ورکړل شول.
