ډنمارک سور صلیب؛ د افغانستان د خلکو ملاتړ ته ژمن یو
شنبه، ۸ جمادي الآخره ۱۴۴۷
د افغاني سرې میاشتې عمومي رئیس ښاغلي شیخ الحدیث شهاب الدین دلاور او مرستیال یې ښاغلي حافظ عزیزالرحمن د ډنمارک سره صلیب د آسیا او اروپا سمیه ییزې مسؤولې آغلې جوهانا او په افغانستان کې د یادې ادارې له مسئول ښاغلي محمد شمع سره د ګډو بشري همکاریو او خدمتونو په هکله د همغږۍ ناسته وکړه.
ناسته کې عمومي رئیس د افغاني سرې میاشتې له لوري په ټول هېواد کې د ترسره کېدونکو بشري خدمتونو په اړه مفصل معلومات وړاندې کړل، د ډنمارک سره صلیب له ملاتړ او همکارۍ څخه یې مننه وکړه او زیاته یې کړه، چې د دواړو بنسټونو ګډې هڅې کولی شي په افغانستان کې د بشري مرستو کیفیت او اغېز نور هم پیاوړی کړي. نوموړي ټینګار وکړ چې افغاني سره میاشت د هر هغه ګډ بشري پروګرام، چې د خلکو ژوند د ښه والي لامل ګرځي، هرکلی کوي.
له بل لوري د ډنمارک سره صلیب د آسیا او اروپا سیمه ییزې مسؤولې په خپلو خبرو کې وویل، د ډنمارک سور صلیب د افغانستان د خلکو ملاتړ ته ژمن دی او غواړي د افغاني سرې میاشتې له لارې د لا ډېرو افغانانو ملاتړ او لاسنیوی وکړي. نوموړې د افغاني سرې میاشتې د فعالیتونو ستاینه وکړه او ژمنه یې وکړه چې د کونړ ولایت زلزله ځپلو لپاره به د ژمنیو توکو مرستې چمتو کړي.
