نیمروز؛ له ۳۵۰ اړمنو کورنیو سره د خوراکي او غیر خوراکي توکو مرسته وشوه
یکشنبه، ۱۸ جمادی الأولی ۱۴۴۷
د افغاني سرې میاشتې له لوري د نیمروز ولایت د مرکز زرنج اړوند د بېلابېلو ناحیو له ۳۵۰ اړمنو، معلولینو او راستنو شوو کډوالو کورنیو سره ۱۰ قلمه د خوراکي او غیر خوراکي توکو مرسته وشوه، چې هرې کورنۍ ته ۲۵ کیلو اوړه، لس کیلو وریژې، دوه کیلو غوړي، پنځه کیلو بوره، پنځه کیلو مکروني، دوه کیلو روب، یو د لوښو مینځلو شامپو، پنځه چکۍ د ځان مینځلو صابون، یو تشت او یوه د روغتیا ساتنې بسته ورکړل شوه.
