ننګرهار؛ له زلزله ځپلو کورنیو سره څه باندې دوه ویشت میلیونه افغانۍ نغدي مرسته وشوه
پنجشنبه، ۱۵ جمادی الأولی ۱۴۴۷
د افغاني سرې میاشتې له لوري د ننګرهار ولایت په دره نور ولسوالۍ کې د وروستۍ زلزلې له امله ۲۱۰۰ زیانمنو شوو کورنیو سره د ژوند د لومړنیو اړتیاوو د پوره کولو په موخه دوه ویشت میلیونه او پنځوس زره افغانۍ نغدي مرسته وشوه، چې هرې کورنۍ ته ۱۰،۵۰۰ افغانۍ ورکړل شوې.
د یادونې وړ ده، چې له دې وړاندې هم په تېرو دوه میاشتو کې په یاده ولسوالۍ کې له ۹۰۰ زلزله ځپلو کورنیو سره نهه میلیونه او یو سل و پنځوس زره افغانۍ نغدي او له ۱۰۰۰ نورو کورنیو سره ۷۰.۵ ټنه د خوراکي توکو مرسته ترسره شوې ده.
