امنیتي منسوبینو ته د افغاني سرې میاشتې د پېژندنې په اړه د پوهاوي ورکشاپ پای ته ورسېد
پنجشنبه، ۴ ربیع الأول ۱۴۴۷
د افغاني سرې میاشتې د حقوقي چارو او بشري دېپلوماسۍ ریاست په نوښت د کورنیو چارو وزارت اړوند د کابل ملي پولیسو روزنیز مرکز قومندانۍ د بېلابېلو برخو مسئولینو او منسوبینو ته د یاد مرکز قومندانۍ کې د "افغاني سرې میاشتې او غورځنګ د اجزاوو د پېژندنې" تر عنوان لاندې دوه ورځنی د پوهاوي ورکشاپ پای ته ورسېد.
ورکشاپ کې ګډونوالو ته د افغاني سرې میاشتې د تاریخچې، کاري مسئولیتونو، غورځنګ د پېژندنې، اووګونو بنسټیزو اصولو د ماهیت، د سرې میاشتې نښان د کارونې او ددې خیریه، ناپلوې، ناپېیلې او ملي ټولنې د بشرپاله فعالیتونو او خدمتونو په اړه تفصیلي او هر اړخیز معلومات وړاندې شول.
ورکشاپ د امنیتي او نظامي برخو منسوبینو لپاره په دې موخه جوړ شوی وه، څو د افغاني سرې میاشتې د رسالت، کاري مسئولیتونو او د بشرپاله فعالیتونو په اړه بشپړ او واضح پوهاوی ترلاسه کړي.
