د افغاني سرې میاشتې مرستیال د آی سی آر سی له مسؤلې او د نډیوال فدراسیون له مشر سره تعارفي ناسته ترسره کړله
نن د محرم الحرام د میاشتې پر ۱۸مه، د افغاني سرې میاشتې مرستیال ښاغلي الحـ.ـ.ـافـ.ـ.ـظ عـ.ـ.ـزیز الرحـ.ـ.ـمن په خپل کاري دفتر کې په افغانستان کې د آى سي آر سي له مسئولې اغلې کترینا رېټز او د نړیوال فدراسیون له مشر نیسیفور مګینډي سره تعارفي ناسته وکړه.
ناسته کې ښاغلي الحافظ عزيزالرحمن د نړیوال سره صلیب او نړیوال فدراسیون د مسئولینو په راتګ خوښي وښوده او له افغاني سرې میاشتې سره یې د یادو بنسټونو له لوري د شویو مرستو مننه وکړه، ترڅنګ یې د پېښځپلو او اړمنو هېوادوالو پر اړتیاو او راتلونکي کې د دواړو لوريو تر منځ د اړیکو د لا پياوړتیا په اړه بحث او خبرې وکړې.
ورپسې په افغانستان کې د آى سي آر سي مسئولې اغلې کترینا او د نړیوال فدراسیون مشر نېسېفور مګينډي د افغاني سرې میاشتې مرستیال ته د نوي دندې د مبارکۍ تر څنګ د ښه خدمت هیله وکړه او په راتلونکي کې یې له افغاني سرې میاشتې سره د ګډو فعاليتونو د لا پراختیا ژمنه وکړه.
