د افغاني سرې میاشتې سرپرست عمومي رئیس نن په سعودي عربستان کې د رابطة العالم الاسلامي مستشار ډاکتر احمد جیلان سره لیدنه ترسره کړه!
د افغاني سرې میاشتې سرپرست عمومي رئیس ښاغلي مولوي مطیع الحق خالص نن په سعودي عربستان کې د رابطة العالم الاسلامي مستشار ډاکتر احمد جیلان سره لیدنه ترسره کړه. د رابطة العالم الإسلامي د مستشار ښاغلي احمد جیلان له لوري د افغاني سرې میاشتې سرپرست عمومي رئیس ته تود هرکلی وویل شو د ناستې په پیل کې د افغاني سرې میاشتې سرپرست عمومي رئیس ښاغلي مولوي مطیع الحق خالص د ملي ټولنو پینځمه مشورتي غونډه اغېزمنه وبلله. نوموړي د افغانستان پر شته بشري ستونزو او د افغاني سرې میاشتې پر اغېزمن فعالیت د خبرو ترڅنګ په افغانستان کې د بشري خدماتو پر وړاندې پر شته خنډونو او اړتیاو تفصیلي خبرې وکړې او د رابطة العالم الإسلامي له مستشار ښاغلي جیلان څخه یې غوښتنه وکړه، چې افغانستان کې خپل فعالیتونه پراخ کړي او د ښوونیزو مرکزونو، د یتیمانو د لاسنیوي او د سوري زړه په ناروغۍ د اخته ماشومانو د درملنې برخو کې خپلې مرستې روانې وساتي ناسته کې د رابطة العالم الإسلامي مستشار ښاغلي ډاکتر احمد جیلان له افغانانو او افغانستان سره عقیدوي او تاریخي اړیکو ته په اشاره وویل "مونږ لیوال یو، چې خپلې مرستې افغانانو ته ورسوو".
