کابل؛ د مرکزي دفتر مسؤولینو ته د موثرې ځواب وينې د چمتووالي لپاره د ارزونې ورکشاپ ترسره شو
دوشنبه، ۲ ذوالقعده ۱۴۴۷
د افغاني سرې میاشتې د مرکزي دفتر يو شمېر رئیسانو، د مقام سلاکارانو او د مستقلو آمریتونو مسؤولینو لپاره د موثرې ځواب وينې د چمتووالي د ارزونې په اړه یو ورځنی معلوماتي ورکشاپ داير شو.
دا ورکشاپ په افغانستان کې د ملي ټولنو نړیوال فدراسیون له لوري جوړ شوی و.
د ورکشاپ په پرانیسته کې د سکرتر جنرال عملياتي مرستيال مولوي روح الله عبدالسلام د موثرې ځواب وينې او چمتووالي پر اهمیت ټینګار وکړ او دې برخه کې يې د کارکوونکو د ظرفیت لوړونه مهمه وبلله.
هغه زیاته کړه، د نیمګړتیاوو اصلاح د ادارې د پرمختګ لامل ګرځي، خو تکرار یې چارې ټکنۍ کوي، موږ باید د چارو ښه والي ته جدي پاملرنه وکړو؛ څو زیانمنو ته پر وخت او اغېزمن خدمات وړاندې شي.
د ورکشاپ پر مهال ګډونوالو ته د موثرې ځواب وينې د چمتووالي د ارزونې اصولو، معیارونو او پړاوونو په اړه تفصيلي معلومات وړاندې شول.
