کابل؛ د بېړنيو پروژو د همغږي کوونکي بست لپاره ازموینه واخیستل شوه
سې شنبه، ۱۵ شعبان ۱۴۴۷
د افغاني سرې میاشتې مرکزي دفتر کې د بېړنیو روغتیايي پروژو همغږي کوونکي/ د ملي ټولنو نړیوال فدراسیون فوکل پواینټ پر یوه خالي بست د وړ او مسلکي شخص د ګمارلو په موخه له نوماندانو تحریري ازموینه واخیستل شوه.
یاده ازموینه، چې د کارکوونکو چارو د ریاست له لوري پر لاره اچول شوې وه ، په کې ٢٣ تنو پر شرايطو برابرو نوماندانو ګډون درلود، چې د بشپړ شفافیت او عدالت له مخې به د تحریري ازموینې د پوښتن پاڼو تر کتلو او تقريري ازموینې وروسته مخکښ نوماند په ګوته او وګمارل شي.
