مرکزي مرستون کې د لمریزې برېښنا ذخیره کولو سیستم فعال او ګټې اخیستنې ته وسپارل شو!
مرکزي مرستون کې د لمریزې برېښنا ذخیره کولو سیستم فعال او ګټې اخیستنې ته وسپارل شو!
نن یکشنبه د شوال میاشتې پر ۱۵مه، د افغاني سرې میاشتې کابل مرکزي مرستون کې ۱۵ داخلي مشمولینو کورنیو ته د دې خیریه ملي ټولنې له لوري په افغانستان کې د نړيوال فدراسیون په مالي ملاتړ د ۲دوه میلیونه، ۶ سوه ۱۶ زره، اته سوه او پنځه ویشت ( ۲،۶۱۶،۸۲۵) افغانیو په ارزښت د لمریزې بریښنا ذخیره کولو سیستم فعال او د افغاني سرې میاشتې د مرستونونو د رئیس ښاغلي سید احمد بهرمن، په افغانستان کې د نړیوال فدراسیون د سرپرست مسئول ښاغلي احمد سلیمان او یو شمېر نورو مسئولینو په شتون کې ګټې اخیستنې ته وسپارل شو.
د یاد برېښنايي سیستم د پرانيستې پر مهال د مرستونونو رئیس د نړيوال فدراسیون مننه وکړه، چې تل یې افغاني سرې میاشتې سره بېلابېلو برخو کې د اړمنو او بې سرپرسته کورنیو د لاسنيوي په موخه مرستې کړي، نوموړي په خپلو خبرو کې ډاډ څرګند کړ، چې په مرستونونو کې مشمولینو ته د ژوند ټولې اسانتیاوې په پام کې نیول شوي او دا دی نن کابل مرکزي مرستون کې د مشمولینو د هوساینې په موخه د لمريز برېښنا سیستم فعال او ګټې اخیستنې ته چمتو شو.
ورپسې د نړیوال فدراسیون سرپرست مسئول د افغاني سرې میاشتې د خدماتو د ستاینې ترڅنګ له دې خیریه ملي ټولنې سره په همغږۍ د بې سرپرسته مېرمنو، پېښځپلو، اړمنو او بې وزله ناروغانو د ملاتړ او پالنې برخه کې د بشرپالو خدماتو د دوام ژمنه وکړه او ډاډ یې څرګند کړ چې له بې وزله او ناچاره افغانانو به خپلې مرستې نه سپموي.
