المان هېواد نه ۲۰ تنه په اور سخت سوځېدلي او د مېکروبي هډوکو پر ناروغۍ اخته ماشومان تر رغېدو وروسته هېواد ته راستانه شول!
المان هېواد نه ۲۰ تنه په اور سخت سوځېدلي او د مېکروبي هډوکو پر ناروغۍ اخته ماشومان تر رغېدو وروسته هېواد ته راستانه شول!
نن جمعه د شوال د میاشتې پر ۶مه، د افغاني سرې مياشتې له لوري المان هېواد ته ۲۰ تنه په اور سخت سوځېدلي او د مېکروبي هډوکو ناروغۍ لرونکي استول شوي ماشومان د بشپړې سلامتيا او روغتيا له ترلاسه کولو وروسته هېواد ته راستانه او خپلو کورنيو ته وسپارل شول.
د يادونې وړ ده چې، افغاني سره میاشت د المان د سولې کلي له خیریه بنسټ سره د شوي هوکړه لیک له مخې هر کال ۲ ځل په اور سخت سوځېدلي او د مېکروبي هډوکو ناروغۍ لرونکي ماشومان، چې عمرونه یې له یوه کال څخه تر ۱۱ کلونو پورې وي، المان هېواد ته د درملنې په موخه لېږي او د بشپړې درملنې وروسته بېرته هېواد ته راګرځي.
