د افغاني سرې میاشتې سرپرست عمومي رئيس او د نوموړي مرستیال په افغانستان کې د نړیوال فدراسیون له سرپرست او افغانستان لپاره د ستراتیژیکو اړیکو له مسئولې سره وکتل!
د افغاني سرې میاشتې سرپرست عمومي رئيس او د نوموړي مرستیال په افغانستان کې د نړیوال فدراسیون له سرپرست او افغانستان لپاره د ستراتیژیکو اړیکو له مسئولې سره وکتل!
نن شنبه د رمضان میاشتې پر ۲۲ مه، د افغاني سرې میاشتې سرپرست عمومي رئيس ښاغلي شیخ الحدیث شهاب الدین دلاور او د نوموړي مرستیال ښاغلي حافظ عزیز الرحمن په افغانستان کې د نړیوال فدراسیون له سرپرست مسئول ښاغلي احمد سلیمان او افغانستان لپاره د نړیوال فدراسیون د ستراتیژیکو اړیکو له مسئولې آغلې هُما نادر سره له ګاونډیو هېوادونو راستنېدونکو کډوالو، اړمنو او پېښځپلو ته د مرستو برابرولو او د وچکالۍ پر وړاندې د چمتووالي په موخه ناسته وکړه او له هغوی څخه یې دې برخه کې د مرستو او همکارۍ غوښتنه وکړه.
ورپسې په افغانستان کې د نړیوال فدراسیون سرپرست او افغانستان لپاره د یادې ادارې د ستراتيژیکو اړیکو مسئولې ذکر شویو برخو کې د مرستې او همکارۍ ډاډ ورکړ او ژمنه یې وکړه، چې د افغاني سرې میاشتې رهبرۍ ته به بهر ته د اړمنو، پېښځپلو او وچکالۍ ځپلو هېوادوالو لپاره د بشري مرستو د جلب په موخه د سفرونو زمینه برابروي او دې برخه کې به خپلې هڅې ګړندۍ کړي.
