د افغاني سرې میاشتې سرپرست عمومي رئیس د میدان وردګ او غزني ولایتونو د نمایندګیو له چارو لیدنه وکړه!
د افغاني سرې میاشتې سرپرست عمومي رئیس د میدان وردګ او غزني ولایتونو د نمایندګیو له چارو لیدنه وکړه!
نن سه شنبه د شعبان د میاشتې پر ۵مه، د افغاني سرې میاشتې سرپرست عمومي رئیس ښاغلي شیخ الحدیث شهاب الدین دلاور د خپل کاري سفر په ترڅ کې د میدان وردګ او غزني ولایتونو د نمايندګيو له چارو ليدنه او د اړونده مسٸولينو سره يې ناستې ترسره کړې.
په یادو لیدنو کې ښاغلي دلاور مسئولینو ته په خپلو کارونو کې له اخلاص او ایماندارۍ څخه په کار اخیستلو ټینګار وکړ او اړمنو، بې وزلو، بې سرپرسته او پېښځپلو هېوادوالو ته پر وخت د بشرپالو فعاليتونو ترسره کول يې د ټولو کارکوونکو اسلامي او انساني وجيبه وبلله.
دا راز ښاغلي دلاور د اړونده مسٸولينو ستونزې او وړانديزونه واورېدل او د ستونزو د حل ډاډ يې ور کړ.
