د افغاني سرې میاشتې سرپرست عمومي رئیس له کاري شریکانو سره وکتل
د افغاني سرې میاشتې سرپرست عمومي رئیس له کاري شریکانو سره وکتل
نن چهارشنبه د ربیع الآخر د میاشتې پر ۱۳مه، د افغاني سرې میاشتې سرپرست عمومي رئیس ښاغلي شيخ الحديث شهاب الدين دلاور ددې خیریه ملي ټولنې له کاري شریکانو ( په افغانستان کې د آی سي آر سي، نړيوال فدراسيون، قطرسرې میاشتې، ترکیې سرې میاشتې او د ناروې د سره صلیب له مسؤلینو) سره د ژمي موسم ته د چمتووالي او همکاریو د دوام په موخه په خپل کاري دفتر کې ناسته ترسره کړه.
ناسته کې د افغاني سرې میاشتې سرپرست عمومي رئیس د افغاني سرې میاشتې د کاري شریکانو له دوام داره او هر اړخيزو همکاريو د مننې ترڅنګ د مرستو په رسونه کې د بشپړ شفافیت او روڼتیا ډاډ ورکړ. نوموړي ددې خیریه ملي ټولنې له کاري شریکانو څخه د ژمي موسم تر را رسېدو وړاندې اړمنو، پېښځپلو او له ګاونډیو هېوادونو راستنېدونکو کډوالو ته د خوراکي، غیر خوراکي، روغتیایي او سون توکو په برخه کې
د بېړنیو او اړینو مرستو برابرولو غوښتنه وکړه.
یادو کاري شریکانو په خپلو خبرو کې د اړمنو، پېښځپلو او راستنېدونکو کډوالو د لاسنيوي په پار د ژمې له سړې هوا څخه د ځان ساتنې اړوند توکو سربېره د خوراکي، غیر خوراکي توکو او روغتيايي موادو د چمتو کولو ژمنه وکړه او دې برخه کې یې د بشپړې همکارۍ ډاډ څرګند کړ.
https://youtube.com/@ARCSAfghanistan
