به خانواده‌های آسیب‌دیده از سیلاب در ولایت دایکندی کمک نقدی توزیع شد
دوشنبه، ۱۷ ذو القعده ۱۴۴۷
از سوی هلال‌احمر افغانی، به دو خانواده در ولسوالی‌های خدیر و میرامور ولایت دایکندی که در اثر سیلاب‌های اخیر متحمل خسارات جانی و مالی شده بودند، کمک نقدی توزیع شد.
این کمک که از سوی صلیب سرخ چین تهیه شده بود، به منظور ابراز همدردی بشردوستانه، به هر خانواده مبلغ ۳۰ هزار افغانی مساعدت گردید.
هلال‌احمر افغانی تلاش می‌کند روند کمک‌رسانی به سیلاب‌زدگان را تسریع بخشیده و به نیازهای فوری آنان به‌موقع رسیدگی نماید.
