کابل؛ د خوست او میدان وردګ ګرځنده روغتیايي ټیمونو لپاره د دوو موټرو د کرایې په موخه د داوطلبۍ ناسته وشوه
شنبه، ۱۳ ربیع الآخر ۱۴۴۸
د افغاني سرې میاشتې د روغتیايي خدمتونو ریاست د مشخصاتو له مخې، د خوست او میدان وردګ ولایتونو د ولایتي څانګو اړوند ګرځنده روغتیايي ټیمونو لپاره د دوه عراده موټرو (څلور دروازه يي ټویوټا هایس سوپرکشتم، چې څلور کتاره څوکۍ، قوي جنګله، فعال ایرکنډېشن او کومک لرونکی وي) د کرایه کولو په موخه د داوطلبۍ ناسته ترسره شوه.
دغه ناسته د افغاني سرې میاشتې د تدارکاتو آمریت له لوري جوړه شوې وه، چې شپږو لوژستیکي او ترانسپورتي شرکتونو پکې ګډون کړی و او د قرارداد د ترلاسه کولو لپاره یې خپل وړاندیزونه وړاندې کړل.
ټاکل شوې ده، چې د داوطلبۍ د اسنادو او وړاندیزونو له کره کتنې او ارزونې وروسته، د ټاکل شویو شرایطو او تدارکاتي اصولو له مخې د یادو موټرو د کرایه کولو قراردادونه له شرایطو سره برابر شرکتونو ته ورکړل شي.
