کابل؛ افغاني سرې میاشتې د سترګو ناروغ ماشوم سره د درملنې لپاره نغدي مرسته وکړه
دوشنبه، ۱۰ ذو القعده ۱۴۴۷
د افغاني سرې میاشتې د عمومي رئیس ښاغلي شیخ الحدیث شهابالدین دلاور په هدایت، د تخار ولایت له یوه ماشوم سره، چې د سترګو په سختې ناروغۍ اخته و، د درملنې لپاره نغدي مرسته وشوه.
یاد ماشوم، چې د سترګو له سرطان څخه کړېده، د درملنې د وس نشتوالي له امله یې ویډیو په ټولنیزو رسنیو کې خپره شوې وه.
د عمومي رئیس د لارښوونې پر اساس مرکزي دفتر ته راوبلل شو او د نوموړي پلار ته د نغدي مرستې ترڅنګ په راتلونکي کې د لا زیاتو همکاریو ډاډ هم ورکړل شو.
د افغاني سرې مياشتې د مشرتابه دغه اقدام د اسلامي او انساني همدردۍ او د هېوادوالو پر وړاندې د مسؤولیت د احساس ښکارندویي کوي.
