کونړ کې له ۸۰۰ زلزله ځپلو کورنیو سره د بېړنيو مرستو وېش ترسره شو
دوشنبه، ۲۹ ربیع الأول ۱۴۴۷
د افغاني سرې میاشتې له لوري د کونړ ولایت د څوکۍ ولسوالۍ په دیوه ګل دره کې د وروستۍ زلزلې له امله له ۸۰۰ زیانمنو شوو کورنیو سره د خوراکي او غیر خوراکي توکو مرسته وشوه.
ياده مرسته چې د قطر سرې میاشتې په مالي مرسته چمتو شوې وه، هرې کورنۍ ته ۹۲.۵ کیلو خوراکي توکي چې اوړه، غوړي، وریژې، بوره، لوبیا، شین چای او مالګه په کې شامل وه - ورکړل شول. د دې تر څنک، پر هرې زيانمنې کورنۍ درې کمپلې، دوه ترپالونه او درې کارتنه د څښاک پاکې اوبه هم ووېشل شوې.
