مرکزي مرستون کې پر ۵۹ بېرونيو مشمولينو (اړمنو او سوالګرو) کورنیو ۲۶۷ زره افغانۍ مرسته ووېشل شوه
کابل – یکشنبه، ۳ محرمالحرام ۱۴۴۷ هـ ق
د افغاني سرې میاشتې د کابل مرکزي مرستون په انګړ کې پر ۵۹ بېرونيو مشمولينو (اړمنو او سوالګرو) کورنیو د لومړنیو اړتیاوو د پوره کولو په موخه ۲۶۷ زره افغانۍ نغدي مرسته ووېشل شوه.
د مرستې د وېش پر مهال د مرستونونو رئیس ښاغلي مولوي سيد احمد بهرمند د اړمنو او بې سرپرسته کورنیو پر لاسنيوي او ملاتړ ټینګار وکړ او ډاډ یې څرګند کړ، چې د نغدي مرستو د وېش په دې پروګرام کې بشپړ شفافیت او عدالت په پام کې نیول شوی، نوموړي زیاته کړه، افغاني سره میاشت په ټول توان هڅه کوي، څو د اړمنو او بې وسه کورنیو ستونزو او اړتیاوو ته رسېدنه وکړي.
هېره دې نه وي، چې په یاده نغدي مرسته کې د ګڼ نفوس لرونکو کورنیو ته ۵۰۰۰، د منځني نفوس لرونکو ته ۴۰۰۰ او د کم نفوس لرونکو کورنیو ته ۲۰۰۰ افغانۍ ورکړل شوې او له دې وروسته به هم هره میاشت یاده مرسته د بانکي حساب له لارې د تثبیت شویو کورنیو حسابونو ته لېږدول کېږي.
