د افغاني سرې میاشتې سرپرست عمومي رئیس د راستنېدونکو کډوالو د ملاتړ په موخه د ننګرهار ولایت له والي سره وکتل!
د افغاني سرې میاشتې سرپرست عمومي رئیس د راستنېدونکو کډوالو د ملاتړ په موخه د ننګرهار ولایت له والي سره وکتل!
د افغاني سرې میاشتې سرپرست عمومي رئیس شیخ القران والحدیث شهاب الدین دلاور نن شنبه د شوال د میاشتې په ۱۴مه د ننګرهار ولایت له والي ښاغلي الحاج ملا محمد نعیم اخند سره هېواد ته د راستنېدونکو کډوالو د ستونزو اورېدلو او د هغوی د لازم او چټک لاسنیوي په موخه لیدنه ترسره کړه.
ناسته کې ښاغلي دلاور ډاډ څرګند کړ چې افغاني سرې میاشتې په خپل ټول توان د راستنو شویو کډوالو ملاتړ ته را دانګلي او هم یې له خپلو کاري شریکانو سره په یاد مورد اړینې ناستې ترسره کړي؛ څو له هغوی څخه اړوندې مرستې ترلاسه او تر مستحقو هېوادوالو یې ورسوي.
بلخوا د ننګرهار ولایت والي هم د راستنو شویو کډوالو اړوند د افغاني سرې میاشتې د روانو خدمتونو قدرداني او ستاینه وکړه او د لا نورو بشري خدمتونو هیله یې څرګنده کړه.
