کابل !
د کابل ولایت د پغمان ولسوالۍ د پورته ارغندۍ د جکدلی، شاه قدم، بادام قول، قریه وحدت، کاریز، اتم خېل، قلعه صدیق، قلعه ملک، شیخانو، قریه جدید، کتب خېل، قلعه نو، زر کلا، جنډا خېل،صدر خېل، سره کلا، کټه خېل، بازي خېل او کنج کلیو ٦٢سیلاب ځپلو کورنیو ته د افغاني سرې میاشتې له لوري د خیمو، ترپالونو، د اوبو د ذخیره کولو د وسایلو او د پخلنځي د ١٣ قلمه توکو مرسته ورکړل شوه. تېره ورځ هم د افغاني سرې میاشتې له لوري په یادو کلیو کې یو شمېر سیلاب ځپلو کورنیو سره مرسته شوې وه. د افغاني سرې میاشتې له لوري یادو کورنیو ته د خوراکي توکو مرسته هم تنظیم شوې ده.
