د افغاني سرې میاشتې مرکزي روغتون کې د سترګو پر رنځ د اخته ناروغانو د درملنې او جراحي عملياتو د اختتاميې غونډه ترسره شوه
د افغاني سرې میاشتې مرکزي روغتون کې د سترګو پر رنځ د اخته ناروغانو د درملنې او جراحي عملياتو د اختتاميې غونډه ترسره شوه
نن شنبه د ربیع الآخر د میاشتې پر ٣٠ مه، د افغاني سرې میاشتې اړوند په کابل مرکزي روغتون کې د البصر نړيوال خیریه بنسټ او د ملک سلمان مرستندویه مرکز په همکارۍ د سترګو پر ناروغۍ د اخته ناروغانو د درملنې او جراحي عملياتو د بهير د اختتاميې غونډه د سرې مياشتې د مرستيال ښاغلي حافظ عزيز الرحمن په شتون کې ترسره شوه
د غونډې په پيل کې د البصر نړيوال خيريه بنسټ او ملک سلمان مرستندویه مرکز په استازولۍ ښاغلي مولوي عبد العزيز بلوچ د ياد پروګرام په اړه د هر اړخيزو خبرو ترڅنګ وويل: " تېرو لسو ورځو کې مونږ وکولى شول، څو د ٨٠٠٠ ناروغانو د سترګو معاينات او درملنه او د ٨٠٠ تنو د سترګو د پردو عمليات ترسره کړو، دا راز نوموړي زیاته کړه چې البصر خيريه بنسټ هوډ لري، څو راتلونکي کې د سترګو پر رنځ داخته ناروغانو د درملنې په پار کابل کې يو معياري روغتون هم جوړ کړي."
ورپسې د افغاني سرې مياشتې مرستيال په خپلو خبرو کې د البصر نړيوال خيريه بنسټ او ملک سلمان مرستندویه مرکز د دوامداره مرستو مننه وکړه او د سترګو پر رنځ د اخته ناروغانو د درملنې او جراحي عملياتو دوام دوام یې مهم وباله، نوموړي د یاد بنسټ له مسئولینو وغوښتل، څو په افغانستان کې د سترګو د درملنې او جراحي عملياتو پروګرامونو ته دوام ورکړي او ترڅنګ يې په بېلابېلو برخو کې له افغانانو سره د بشرپالو مرستو په برخه کې د افغاني سرې مياشتې ملاتړ وکړي.
https://youtube.com/@ARCSAfghanistan
