سمنګان کې د افغاني سرې میاشتې له ښوونیز مرکز څخه ۱۵۰ زده کوونکي فارغ شول
پنجشنبه، ۲ رمضان ۱۴۴۷
د سمنګان ولایت د افغاني سرې میاشتې د ځوانانو او رضاکارانو په ښوونیز مرکز کې د اسلامي ښوونې او روزنې، ریاضي او انګلیسي برخو ۱۵۰ تنه زده کوونکي د شپږ میاشتنیو زده کړو تر بشپړولو وروسته فارغ شول.
په یاد ښوونیز مرکز کې اوسمهال شاوخوا ۳۰۰ تنه هغه زده کوونکي، چې په شخصي ښوونیزو مرکزونو کې د فیس ورکولو توان نه لري؛ په بېلابېلو برخو کې په وړیا ډول زده کړې ترلاسه کوي.
افغاني سره میاشت هڅه کوي، چې د ښوونیزو مرکزونو له لارې اړمنو ځوانانو ته د مسلکي زده کړو زمینه برابره کړي؛ څو هغوی خپلې وړتیاوې لوړې کړي او د مسلکي مهارتونو پر مټ خپل روښانه راتلونکی تضمین کړي.
