د افغاني سرې میاشتې مرستیال د نړیوال فدراسیون له مشر سره وکتل
چهارشنبه، ۲۸ جمادیالأولی ۱۴۴۷
د افغاني سرې میاشتې مرستیال حافظ عزیزالرحمن د افغانستان لپاره د ملي ټولنو د نړیوال فدراسیون له مشرښاغلي حسام فیصل او د پروګرامونو له مسؤول احمد سلیمان سره د بشري خدمتونو د پیاوړتیا او په ګډو چارو کې د ښې همغږۍ په موخه وکتل.
ناسته کې حافظ عزیزالرحمن د افغاني سرې میاشتې د بشرپالو فعالیتونو په اړه خبرې وکړې، د وروستیو زلزلو له امله د زیانمنو کورنیو بېړنیو اړتیاوو ته په کتو یې د مرستو په زیاتوالي ټينګار وکړ او دې برخه کې یې د ګډو همکاریو د پراختیا غوښتنه وکړه.
ښاغلي فیصل د افغاني سرې میاشتې خدمتونه وستایل او په بېلابېلو برخو کې یې د همکارۍ د دوام ډاډ ورکړ.
