کابل؛ د افغاني سرې میاشتې د انجینرۍ دوو بستونو لپاره تحریري ازموینه واخیستل شوه
یکشنبه، ۷ ذو الحجه ۱۴۴۷
د افغاني سرې میاشتې په مرکزي دفتر کې د دوو بستونو (د ودانیو ډیزاین انجینر او د سروې او نقشه بردارۍ انجینر) لپاره د وړ او مسلکي کسانو د ګومارنې په موخه له نوماندانو تحریري ازموینه واخیستل شوه.
دغه ازموینه د کارکوونکو چارو ریاست له لوري تنظیم شوې وه، چې ۴۲ نوماندانو پکې ګډون کړی و.
ټاکل شوې ده، چې د تحریري ازموینې د پایلو تر ارزونې او تقريري ازموینې وروسته به د شفافیت او عدالت له مخې وړ نوماندان پر یادو بستونو وګمارل شي.
افغاني سره میاشت د شفافو اداري پروسو او رقابتي ازموینو له لارې هڅه کوي د بېلابېلو مسلکي برخو لپاره وړ کادرونه جذب او خپل اداري ظرفیتونه لا پیاوړي کړي.
