کابل؛ د خوندي لاسرسي او بحراني نشراتو په اړه دوه ورځنی روزنیز ورکشاپ پیل شو

arcs_website_admin
دوشنبه ۱۴۰۵/۷/۱۳ - ۱۱:۲۴
K

دوشنبه، ۲۲ ربیع‌الآخر ۱۴۴۸

د افغاني سرې میاشتې د اطلاعاتو او خپرونو ریاست په نوښت او د سره صلیب نړیوالې کمېټې په مالي ملاتړ، د «خوندي لاسرسي د نشراتو ادغام او د بحراني نشراتو معیاري عملیاتي کړنلارې» تر سرلیک لاندې دوه ورځنی روزنیز ورکشاپ پیل شو.

په ورکشاپ کې د افغاني سرې میاشتې د اطلاعاتو او خپرونو ریاست د مرکزي دفتر او سیمه‌ ییزو زونونو نشراتي مدیرانو ترڅنګ، د کارکوونکو چارو، ساتنې او خوندیتوب ریاستونو یو شمېر کارکوونکي هم ګډون لري.

د ورکشاپ د پرانیستې په مراسمو کې د افغاني سرې میاشتې د سکرتر جنرال عملیاتي مرستیال مولوي روح‌ الله عبدالسلام د نشراتو د ارزښت او د خبرونو او راپورونو د خپرولو پر مهال د مسؤولانه چلند په اړه خبرې وکړې.

نوموړي وویل چې د کره، مسؤولانه او پر وخت معلوماتو خپرول د عامه پوهاوي په لوړولو او د خلکو د باور په پیاوړتیا کې مهم رول لري او له ګډونوالو یې وغوښتل چې په نشراتي چارو کې دقت او مسؤولیت ته ځانګړې پاملرنه وکړي.

د افغاني سرې میاشتې د نشراتو آمر مولوي یحیی رحیمي هم د ورکشاپ ګډونوالو ته وینا وکړه او د بشري خدمتونو په برخه کې یې پر صداقت، اخلاص او امانتدارۍ ټینګار وکړ.

په دغه روزنیز ورکشاپ کې به ګډونوالو ته د خوندي لاسرسي د نشراتو د ادغام، د بحراني حالاتو پر مهال د نشراتي چارو د مدیریت، د ساتنې او خوندیتوب او نورو اړوندو ریاستونو سره د همغږۍ او د بحراني نشراتو د معیاري عملیاتي کړنلارې په اړه لازم معلومات او عملي زده‌ کړې ورکړل شي.

تازه خبرونه

شنبه ۱۴۰۵/۸/۱۶ - ۹:۲۲
Background image

هرات کې زرګونو ناروغانو ته پراخ روغتیايي خدمتونه وړاندې شوي

شنبه، ۲۶ جمادی الأولی ۱۴۴۸ 

د افغاني سرې میاشتې روغتیايي کارکوونکو د هرات ولایت په بېلابېلو ولسوالیو او کلیو کې د تېرو ۳۰ ورځو په اوږدو کې ۲۰۰۵۱ تنو سراپا ناروغانو ته د معاینې، اړینو. . .

پنجشنبه ۱۴۰۵/۸/۱۴ - ۷:۵۶
Background image

دایکندي؛ له ۲۰۰ سېلاب ځپلو کورنیو سره ۲.۱ میلیونه افغانۍ نغدي مرسته وشوه

پنجشنبه، ۲۴ جمادی الأولی ۱۴۴۸

د افغاني سرې میاشتې له لوري د دایکندي ولایت په خدیر ولسوالۍ کې له ۲۰۰ سېلاب ځپلو کورنیو سره ۲.۱ میلیونه افغانۍ نغدي مرسته وشوه.

یاده مرسته د ناروې سره. . .

پنجشنبه ۱۴۰۵/۸/۱۴ - ۷:۵۲
Background image

بدخشان؛ تېره یوه میاشت کې د زرګونو ناروغانو روغتیايي ستونزو ته رسېدنه شوې

پنجشنبه، ۲۴ جمادی الأولى ۱۴۴۸ 

د افغاني سرې میاشتې روغتیايي کارکوونکو د بدخشان ولایت په بېلابېلو ولسوالیو او کلیو کې د تېرو ۳۰ ورځو په اوږدو کې ۴۴۹۰ تنو سراپا ناروغانو ته د معاینې،. . .

BACK TO NEWS